Կամարիսի ծաղկած Արցախը. Նարինե Հայրումյանի այգին՝ որպես կարոտի ու հավատի վկայություն
Երեւանից ընդամենը կես ժամ հեռավորության վրա՝ Կոտայքի մարզի Կամարիս գյուղում, մի կին իր ձեռքերով ստեղծել է մի դրախտ, որն այլեւս պարզապես այգի չէ. այն Արցախի կորած տան մի փոքրիկ պատառիկ է, որը ծաղկում է հայրենի հողի կարոտից ու հավատից, որ սերն ու աշխատանքը կարող են բուժել ամենախոր վերքերը:
Այստեղ ամեն ինչ շնչում է Արցախով. ծաղիկների բույրը, թիթեռների թռիչքը, մաքուր օդը եւ այն անսահման ջերմությունը, որով Նարինե Հայրումյանը դիմավորում է յուրաքանչյուր հյուրի: Սա մի վայր է, որտեղ ժամանակը կանգ է առնում, եւ դու մոռանում ես երեւանյան խցանումներն ու առօրյա հոգսերը:
Ինչպես ծնվեց Կամարիսի դրախտը
Նարինե Հայրումյանը ծնունդով Ստեփանակերտից է: Նրա սերը բնության հանդեպ սկսվել է մանկությունից